香港：綠色殯葬，點解執著搵地方擺骨灰

【明報專訊】環境及生態局長謝展寰噚日出席綠色殯葬推廣啟動禮，話綠色殯葬理念係死後回歸大自然，普及程度過去10年顯著上升，由2013年3400宗增至舊年9400宗。

佢憶述細個嗰陣香港仍以土葬為主，見到好多長輩離世後要搵地方埋葬好麻煩，而近年火葬已成主流，反問「既然火葬都覺得得喇，咁淨番嗰啲（骨）灰，點解我哋咁執著一定要搵一個地方去擺，然後搞到有時好複雜好困難呢？」佢呼籲市民以正面態度預先規劃人生「最後一里路」。